Crystal Paints is trots om deel te wees van ‘n spesiale projek by Ons Tuis Riviera, ‘n huis wat sorg dra vir mense met demensie. Ons begin die Borg-‘n-Kamer Projek en nooi jou uit om ‘n verskil te maak in die lewens van die inwoners. 
Elke kamer wat geverf word, word omskep in ‘n warm, vriendelike ruimte – ‘n plek waar ons geliefdes, wat dikwels kwesbaar en alleen is, omring kan word met sorg en troos. Deur ‘n kamer te borg, help jy om nie net ‘n fisiese ruimte te verander nie, maar om ‘n plek te skep waar liefde en hoop kan floreer. 
Daar is verskeie kamer groottes beskikbaar, en ons wil graag hoor of jy deel van hierdie pragtige gebaar wil wees. Saam kan ons ‘n tasbare verskil maak vir mense wat reeds soveel gegee het. 
Crystal Paints vat met trots die eerste stap en borg die verf van die eetkamersaal by Ons Tuis Riviera! 
Sien aangeheg die “voor”-foto’s van die saal.
Ons kan nie wag om die finale resultaat met julle te deel wanneer die eetkamer heeltemal opgeknap is nie – dit gaan ‘n pragtige, warm ruimte word waar die inwoners saam kan kuier en gemaklik voel.
Hou gerus hierdie spasie dop – dit gaan pragtig wees! 
Vir meer inligting of om jou kamer te borg, kontak ons by Crystal Paints 082 772 4073.
Laat ons hande vat en ‘n blywende indruk op die lewens van hierdie spesiale mense maak! 
